Facendo parroquia pretende ser un espazo de encontro dos grupos e persoas que participamos na vida parroquial de Fontiñas. Quere ser momento de sinodalidade, un tempo para facer un camiño xuntos como comunidade parroquial. Un tempo para pensar, compartir visións e tomar decisións que impulsen neste principio de curso os proxectos comúns da nosa parroquia.
Xuntarémonos o venres 24 de novembro ás 20.00 nos locais parroquiais. Teremos un breve momento de oración e logo traballaremos de forma participativa na procura das liñas de acción que queremos salientar neste curso 2023/24, recordaremos as principais datas de encontro e recolleremos todas as iniciativas e suxestións que nos axuden a medrar como comunidade parroquial.
A idea é que esta primeira parte remate sobre as 21.45 e que logo teñamos un picoteo compartido para o que non é preciso traer nada.
Para inscribirse na xuntanza podes facelo a través deste formulario https://forms.gle/DKb5C171Qh8JETeTA ou anotarte presencialmente na lista que estará dispoñible na parroquia.
Para facer parroquia todos e todas somos importantes, todos e todas somos benvidos e benvidas. Participa.